Sunday, 01 August 2010 06:27

ఇల్లే వైకుంఠం అనుకుంటూ కొందరు పొద్దస్తమానం వంటింట్లోనే కాలక్షేపం చేస్తుంటారు. కొద్దిగా పెద్ద కుటుంబం అయితే సరేసరి...ఉదయం లేచిన దగ్గరనుంచి టిఫిన్స్‌ ఏం చేయాలా? భోజనంలో కూరలు ఏం చేయాలో అని ఆలోచిస్తుంటారు. అటువంటివారి కోసం కొన్ని వంటింటి చిట్కాలు రెడీగా ఉన్నాయి. వీటిని పాటిస్తే వంటింట్లో ఎడతెగకుండా సమస్యలుగా ఉండేవాటికి కొంత పరిష్కారం లభించినట్లే... అవేమిటో ఇప్పుడు చూద్దాం రండి...

• నూనె తక్కువ వాడడం ఆరోగ్యానికి చాలా మంచిది. నూనె తక్కువ వేసినా కూర రుచిగా ఉండాలంటే ఈ విధంగా చేసి చూడండి. బాణాలి లేదా గిన్నె బాగా వేడెక్కిన తరువాత నూనె వేసినట్టయితే తక్కువ నూనెతో కూడా వేపుడు కూరలు చేసుకోవచ్చు.


• గారెల పిండిలో కొద్దిగా సేమ్యా వేయించి కలిపితే మంచి రుచిగా ఉంటాయి. తినేటప్పుడు గారెలు కరకరలాడుతూ అచ్చంగా హోటల్‌లో తిన్నట్లే ఉంటాయి.
Read more... Add new comment

Sunday, 01 August 2010 06:27

కిచెన్‌.. వాస్తు
ఇంటి మొత్తానికి పొయ్యి ఉండేటటువంటి దిశలు రెండే ఉన్నాయి. అయితే పొయ్యి ఉంచే విషయంలో కచ్చితమైన నిర్ణయాన్ని పాటించాలి. తూర్పు ఆగ్నేయం గదిలో పొయ్యిని తూర్పుముఖంగా నిలబడేవిధంగా తూర్పు గోడను ఆనుకుని ఫ్లాట్‌ఫాంను నిర్మించుకోవాలి.

వంటింటి ఫ్లాట్‌ఫామ్‌ తూర్పు గోడనుండి దక్షిణం గోడను ఆనుకునేవిధంగా ఎల్‌ ఆకారంలో ఫ్లాట్‌ఫామ్‌ను నిర్మించుకోవచ్చు. ఫ్లాట్‌ఫామ్‌ ఉత్తరం గోడను ఆనించకుండా కనీసం ఎనిమిది అంగుళాలు లేదా ఒక అడుగు దూరం వదిలి కట్టుకోవాలి. ఆ ప్రాంతం మనం ఎప్పటికప్పుడు శుభ్రం చేసుకునేవిధంగా ఉండాలి. మరీ రెండు లేక మూడు అంగుళాలు గ్యాప్‌ ఉండేలా కట్టుకోవడం వలన అందులో చీకటి ఏర్పడి శుభ్రం చేయడానికి కనీసం చీపురు కూడా పట్టే అవకాశం లేకుండా ఉంటుంది. కాబట్టి కనీసం ఎనిమిది అంగుళాలు ఖాళీగా ఉండేలా చూసుకుని ఫ్లాట్‌ఫామ్‌ నిర్మించుకోవాలి. వంటచేసేటప్పుడు ఆ పొయ్యిని లేదా చిమ్నీని గదిలో తూర్పు ఆగ్నేయంలో పెట్టుకుని మనం తూర్పుముఖంగా నిలబడి వంటచేసుకోవాలి. తప్పనిసరిగా సింక్‌ ఈశాన్యంలోనే ఉండాలి. అందుచేత పొయ్యికి సంబంధించిన ఫ్లాట్‌ఫామ్‌ను ఈశాన్యదిశగా నిర్మించుకోవాలి. లేకపోతే పొయ్యిని ఇంటి వాయువ్య దిశలోనైనా నిర్మించుకోవచ్చు. తూర్పు ఆగ్నేయం...సరిగ్గా దానికి అభిముఖంగా అంటే వాయువ్య పశ్చిమానికి, దక్షిణానికి కలుపుకుని ఎల్‌ ఆకారంలో ఫ్లాట్‌ఫామ్‌ నిర్మించుకుని వంట చేసుకోవచ్చును. ఆ చోట కూడా ఉత్తరం గోడకు కనీసం 8 అంగుళాలు లేదా ఒక అడుగు స్థలం వదిలి ఫ్లాట్‌ఫామ్‌ నిర్మించుకోవాలి. అక్కడ కూడా ఫ్లాట్‌ఫ్లామ్‌కి ఉత్తర వాయువ్యంలో ఉత్తర దిశ తగలకుండా సింక్‌ను ఏర్పాటుచేసుకోవాలి. లేదా ఆ గదిలో తూర్పు నుంచి పడమరకు వచ్చేవిధంగా ఫ్లాట్‌ఫామ్‌ను ఏర్పాటుచేసుకుని తూర్పు ఈశాన్యంలో సింక్‌ వచ్చేవిధంగా తూర్పునకు అభిముఖంగా నిలబడి వంట చేసుకునేవిధంగా ఫ్లాట్‌ఫామ్‌ను ఏర్పాటుచేసుకోవచ్చు. వాయువ్యం దిశలో వంటగదికి దక్షిణ ఆగ్నేయం నుంచి కానీ...తూర్పు ఈశాన్యం నుంచి కానీ ద్వారం వచ్చే అవసరం ఉంటుంది. వాటన్నింటినీ చూసుకుని సరైన కొలతలతో ఆ ఫ్లాట్‌ఫామ్‌ను శాస్ర్తీయంగా నిర్మించుకోవాలి. తూర్పుగోడని ఆనించి నిర్మించే ఫ్లాట్‌ఫామ్‌ కింద గూడు వచ్చేలా ఏర్పాటుచేసుకోవాలి. ఈవిధంగా తూర్పు ఆగ్నేయం గదిలో ఉత్తర వాయువ్యం గదిలో పొయ్యికి కావాల్సిన ఫ్లాట్‌ఫామ్‌ను నిర్మించుకుని పశ్చిమాభిముఖంగా కానీ...తూర్పుముఖంగా కానీ నిలబడి వంటచేసుకోవాలి...

Sunday, 01 August 2010 06:27

మైక్రోవేవ్‌ ఒవెన్‌ వంటి ఎలక్ట్రానిక్‌ వస్తువులను శుభ్రం చేసేటప్పుడు కాస్త అవగాహన ఉంటే పని తేలికవుతుంది.

* చెడు వాసనలు రాకపోయినా మైక్రోవేవ్‌ ఒవెన్‌ని అప్పుడప్పుడు శుభ్రం చేస్తూండాలి. తడి స్పాంజితో నలుమూలలా తుడవాలి.

* వండిన పదార్థాల తాలుకు ఘాటైన వాసనలు వస్తుంటే మాత్రం పాత్రలు కడిగే ద్రావణం ఉపయెగించి స్పాంజ్‌తో లోపలి భాగాలు శుభ్రం చేయాలి. వెనిగర్‌తో ఎలాంటి వాసననైనా తొలగించవచ్చు.

* నిమ్మరసం సహజమైన క్లెన్సర్‌గా పనిచేస్తుంది. దుర్వాసనలు తొలగించి సువాసనలు అందిస్తుంది. ఒక గిన్నెలో చెంచా బేకింగ్‌ పౌడర్‌ వేసి రెండు రోజులపాటు ఒవెన్‌లో ఉంచితే ఎటువంటి వాసనలు రావు.