Sunday, 01 August 2010 06:35

రొయ్యల సూప్:-
కావలసిన పదార్థాలు:-
రొయ్యలు - అర కిలో
నీళ్లు - 3 కప్పులు
దోసకాయ (చిన్నది) - 1
మొక్కజోన్న పిండి - 2 చెంచాలు
వెన్న/నెయ్యి - 2 చెంచాలు
అల్లం, వెల్లుల్లి పేస్ట్ - 2 చెంచాలు
ఉప్పు,నూనె - తగినంత
కొత్తిమీర - కొద్దిగా
తయారీ విధానం:-
రొయ్యలను ఒలిచి,శుభ్రంగా కడగాలి. దోసకాయలను సన్నగా తురుముకోవాలి. నెయ్యి/వెన్నను వేడిచేసి రొయ్యలు వేయాలి. ఎరుపురంగులోకి వచ్చాక అల్లం,వెల్లుల్లి పేస్ట్ వేయాలి. రెండు నిమిషాల తరువాత దోసకాయ తురుము, ఉప్పు వేయాలి. మరో ఐదు నిమిషాలుంచి నీరు పోయాలి. నీళ్లు మరుగుతుండగా మొక్కజోన్న పిండి వేయాలి. మూతపెట్టి, సన్నని మంటమీద మిశ్రమం చిక్కగా అయ్యేవరకూ ఉడికించుకుని, కొత్తిమీర చల్లి దించేసుకోవాలి.

Sunday, 01 August 2010 06:35

చిల్లీ ప్రాన్ మసాలా:-
కావలసిన పదార్థాలు:-
రొయ్యలు - 1 కిలో
పచ్చిమిర్చి - 2
ఉల్లిపాయ - 2
టొమాటో - 1
అల్లం, వెల్లుల్లి పేస్ట్ - 2 చెంచాలు
కారం - 2 చెంచాలు
జీలకర్ర పొడి - 1 చెంచా
నిమ్మరసం - 1 చెంచా
ఉప్పు,నూనె - తగినంత
తయారీ విధానం:-
రొయ్యలను ఒలిచి,శుభ్రంగా కడిగి ఆరబెట్టలి. నూనె వేడిచేసి ఉల్లిపాయ, పచ్చిమిర్చి, టొమాటో ముక్కలను వేయాలి. బాగా వేగిన తరువాత రొయ్యలను వేయాలి. వేగాక జీలకర్ర పొడి, అల్లం వెల్లుల్లి పేస్ట్ కూడా వేయాలి. ఉప్పు, కారం, నిమ్మరసం కూడా వేసి బాగా కలిపి మూత పెట్టాలి. పది నిమిషాలు ఉడికాక దించేసుకోవాలి.

Sunday, 01 August 2010 06:35

రొయ్యల పులావ్:-
కావలసిన పదార్థాలు:-
రొయ్యలు - 2 కప్పులు
బాస్మతి బియ్యం - 2 కప్పులు
ఉల్లిపాయ - 1
అల్లం, వెల్లుల్లి పేస్ట్ - 1 చెంచా
కారం - 1 చెంచా
గరం మసాలా - 1 చెంచా
పసుపు - 1 చెంచా
కొత్తిమీర - కొద్దిగా
ఉప్పు,నూనె - తగినంత
యాలకులు, మిరియాలు, దాల్చిన చెక్క, జాపత్రి, పులావ్ ఆకు అన్నీ కొద్దికొద్దిగా తీసుకోవాలి.
తయారీ విధానం:-
రొయ్యలకు ఉప్పు, కారం, పసుపు, గరం మసాలా కలిపి పక్కన పెట్టలి. నూనె వేడి చేసి మసాలా దినుసులు, అల్లం, వెల్లుల్లి పేస్ట్ వేయాలి. తరువాత ఉల్లిపాయ ముక్కలు వేయాలి. వేగాక కడిగిన బియ్యాన్ని వెయ్యాలి. ఐదు నిమిషాలపాటు సన్నని మంటపై వేయించి, రొయ్యలు కూడా వేయాలి. కాసేపు వేయించి నాలుగు కప్పుల నీళ్లు పోసి, సన్నని మంటపై ఉడికించాలి. దించేముందు కొత్తిమీర చల్లుకోవాలి.

Sunday, 01 August 2010 06:35

చికెన్ లివర్ - పెప్పర్ ఫ్రై:-
కావలసిన పదార్థాలు:-
చికెన్ లివర్ - పావు కిలో
కరివేపాకు పొడి - 1 చెంచా
మిర్యాల పొడి - అర చెంచా
అల్లం, వెల్లుల్లి పేస్ట్ - 2 చెంచా
దాల్చినచెక్క పొడి - 1 చెంచా
గరం మసాలా పొడి - 1 చెంచా
ఉప్పు, నూనె - తగినంత
తయారీ విధానం:-
లివర్‌ను శుభ్రంగా కడిగి చిన్న చిన్న ముక్కలుగా చేసుకోవాలి. నూనె వేడిచేసి అల్లం, వెల్లుల్లి పేస్ట్ , కరివేపాకు పొడి, మిర్యాల పొడి, ఉప్పు వేయాలి. రెండు నిమిషాల తరువాత లివర్ ముక్కలను వేయాలి. ముక్కలు ఎరుపురంగు వచ్చెవరకూ తక్కువ మంటమీద వేయించాలి. వేగిపోయిందనిపించుకుని దాల్చినచెక్క పొడి, గరం మసాలా వేసి బాగా కలపాలి. మరో ఐదు నిమిషాలు వేయించి దించేసుకోవాలి.